Xocalı cinayəti uşaqların gözü ilə
Xocalı soyqırımı qurbanlarının xatirəsinin anılması artıq ənənə şəklini almışdır. Son günlər “Xocalı cinayəti uşaqların gözü ilə” mövzusunda sərgi keçirildi. Şagirdlər tərəfindən hazırlanan tədbirdə, sinif divar qəzetləri, Xocalı hadisələrinə aid guşələr də gənc nəsildə bu dəhşətli faciə barədə ətraflı təsəvvür yaradır. Məktəbin müəllimləri tədbirdə bu soyqırımını dünya ictimaiyyətinə çatdırılmasında ümummilli lider Heydər Əliyevin böyük əməyi olduğunu qeyd etdirlər. Bildirirlər ki, məhz Ulu Öndərin xalqın tələbi ilə hakimiyyətə qayıdışından sonra Xocalı soyqırımına respublikada siyasi-hüquqi qiymət verilmişdir. Müəllimlər şagirdlərə həmçinin Xocalı soyqırımı və Qarabağın tarixi barədə ətraflı məlumatlar verir və Azərbaycana qarşı əsassız ərazi iddiaları ilə çıxış edən Ermənistanın təcavüzü nəticəsində torpaqlarımızın 20 faizinin işğal olunduğunu bir daha xatırladırlar.
