29 sentyabr-məktəb-liseyin məzunu Əkbər Hüseynovun şəhidlik zirvəsinə ucaldığı gündür
29 sentyabr tarixində məktəb-liseyin Təsərrüfat işləri üzrə direktor müavini Hüseyn Həsənov, sinif rəhbərləri Sevinc İbrahimova, Vəfa Qəfərova, Aynurə Quliyeva və 7"A", 7"C", 8"A" sinif şagirdləri şəhid məzun Əkbər Hüseynovun əziz xatirəsini yad etdilər.
Şagirdlər şəhidin əziz xatirəsinə həsr edilmiş şeirlər səsləndirdilər, onun həyat yolundan söhbət açdılar.
Qeyd edildi ki, Azərbaycan Prezidenti, Müzəffər Ali Baş Komandan İham Əliyevin rəhbərliyi ilə 44 günlük Vətən müharibəsində rəşadətli ordumuzun qazandığı qələbə Azərbaycanın hərb tarixində şanlı bir səhifə açdı. Qəhrəman hərbçilərimiz təqvimdə qara rəqəmlərlə əks olunan işğal tarixlərinin üstündən öz qanları ilə xətt çəkərək, qırmızı rəqəmlərlə Zəfər günlərini yazdılar. 44 günlük ana vətən muharibəsi nəinki Qafqaza həmdə dünyaya sübut etdi ki, Azərbaycan öz torpaqlarını azad etmək gücündədir.
Ruhun şad olsun, şəhidim!
Allah bütün şəhidlərimizə rəhmət eləsin!
