Dastana dönən qəhrəman
Keçdi xəyalımdan öz gözəl yurdum
Dumanlar başında dastana döndü
Dastana döndü...
Məktəbin ibtidai sinif müəllimi Günay İbrahimovanın Şəhid Xudayar Yusifzadənin adını daşıyan 4"D" sinfində şəhidin anım gününə həsr edilmiş "Dastana dönən qəhrəman" adlı tədbir təşkil edildi.
Tədbirdə qəhrəmanlıq, fədakarlıq, mərdlik və igidlik nümunəsi göstərən şəhidimizin Azərbaycanın ərazi bütövlüyünün təmin edilməsi uğrunda döyüş əməliyyatlarına qatıldığı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən ölümündən sonra "Vətən uğrunda" medalı və "Azərbaycan Bayrağı" ordeni, Prezidentin 25.12.2020-ci il tarixli Sərəncamına əsasən isə "Zəngilanın azad olunmasına görə" medalı ilə təltif edilməsindən söhbət açıldı.
Sonda şəhidimizin əziz xatirəsinə həsr edilmiş şeirlər səsləndirildi ,mahnılar ifa edildi.
Allah bütün şəhidlərimizə rəhmət eləsin!
