Məktəbəhazırlıq qruplarında məşğələlərə başlanılıb
Oktyabrın 4-də məktəbəhazırlıq qruplarında məşğələlərə başlanıldı.
Məktəbəhazırlıq qruplarının yaradılmasında əsas məqsəd 5 yaşlı uşaqların məktəb təliminə hazırlığı ilə əlaqədar psixoloji dayanıqlığı artırmaq, ünsiyyət və birgə fəaliyyət bacarıqlarına yiyələnməsini təmin etmək, onları təhsil mühitinə uyğunlaşdırmaq, oxumaq həvəsini davamlı inkişaf etdirmək və möhkəmləndirməkdir.
Məktəbəhazırlıq qruplarında “Ətraf aləmlə tanışlıq”, “Savad təliminə hazırlıq və nitq inkişafı”, “Bədii təfəkkürün inkişafı”, “Məntiqi və riyazi təfəkkürün inkişafı”, “Təsviri fəaliyyət”, “Musiqi” və “Fiziki mədəniyyət” dərs məşğələləri tədris ediləcək.
