İlk dərslər
Məktəb liseydə ilk dərslər Xocalı soyqırımının otuz üçüncü ildönümünə həsr olundu. Dərslər Azərbaycanın müstəqilliyi uğrunda canlarını qurban vermiş şəhidlərin və Xocalı qurbanlarının əziz xatirəsinin bir dəqiqəlik sükutla yad edilməsi ilə başladı.
Dərslərdə böyüməkdə olan nəslə XX əsrin ən dəhşətli hadisələrindən olan Xocalı soyqırımı haqqında ətraflı məlumat verildi. Vətən müharibəsində şanlı qələbənin qazanılması, lokal antiterror əməliyyatları nəticəsində Müzəffər Ali Baş Komandan İlham Əliyev tərəfindən əzəli torpaqlarımızda üçrəngli bayrağımızın ucaldılması, ölkəmizin suverenliyinin tam bərpasının qürurverici hiss olduğunu, torpaqlarımızın işğaldan azad olunması ilə bütün şəhidlərimizin, o cümlədən Xocalı qurbanlarının qanlarının yerdə qalmadığı şagirdlərin nəzərinə çatdırıldı.
Sinif otaqlarında şagirdlərin əl işlərindən ibarət rəsm sərgiləri keçirildi, sənədli və bədii filmlər nümayiş olundu.
