31 Mart – Azərbaycanlıların Soyqırımı Gününə həsr olunmuş mühazirə keçirildi
Məktəbin Fəaliyyət planına uyğun olaraq şagirdlərdə xalqımıza qarşı törədilmiş faciələr haqqında bilgilərin artırılması, xalqımızın qəhrəmanlıq salnaməsinin təbliği və ümumxalq hüzn günlərinə həsr olunmuş tədbirlərin keçirilməsi məqsədilə "31 mart Azərbaycanlıların soyqırım gününün keçirilməsi" barədə hazırlanmış tədbirlər planına uyğun olaraq 31 Mart – Azərbaycanlıların Soyqırımı Gününə həsr olunmuş mühazirə keçirildi.
Hərbi rəhbər Xanlar Əsgərov tarixi faktlara istinad edərək erməni daşnak partiyasının havadarlığı ilə ötən əsrin əvvəllərindən etibarən əzəli Azərbaycan torpaqlarında törədilmiş qırğınlar və soyqırımı siyasətindən ətraflı bəhs etdi. Qeyd olundu ki, azərbaycanlıların kütləvi surətdə qırğını, represiyalara məruz qalması, doğma yurdlarından sürgün edilməsi və didərgin salınması XX əsr tarixinin ən faciəli və dəhşətli səhifələrindəndir.
