242 №-li tam orta məktəb

Fəal iştirakına görə diplomla təltif edildi.20.04.2017-ci il tarixində məktəbin 10B sinif şagirdi Qəniyeva Arzu Ümummilli lider Heydər Əliyevin anadan olmasının 94-cü ildönümü münasibətilə və Azərbaycanda keçirilən IV İslam Həmrəyliyi Oyunlarına dəstək məqsədilə Nizami rayon İcra Hakimiyyətinin və Yeni Azərbaycan partiyası Nizami rayon təşkilatının birgə təşkilatçılığı ilə keçirilən "Həmrəyliyimiz birliyimizdir" mövzusunda rəsm müsabiqəsində fəal iştirakına görə diplomla təltif olunmuşdur.

Cüdoçular arasında qaliblərimiz müəyyən olundu“Ruslan” İdman Sağlamlıq Mərkəzi tərəfindən Cüdo üzrə “Ruslan” İSM Açıq birinciliyində 2004-2005-ci il təvəllüdlü cüdoçular arasında 42 kq çəki dərəcəsində məktəbimizin 7C sinif şagirdi Təhməzov Nihad III yerə, 2006-2007-ci il təvəllüdlü cüdoçular arasında 38 kq çəki dərəcəsində isə 5c sinif şagirdi Qafarov Ayxan I yerə layiq görüldüyünə görə diplomla təltif olunmuşdur.

III yerin qalibi oldu242 nömrəli tam orta məktəbin 6A sinif şagirdi Vəlizadə Məryəm 14.04.2017-ci il tarixində IV İslam Həmrəyliyi Oyunlarının təbliğinə həsr olunmuş kütləvi idman tədbirlərində Taekvando idman növü üzrə III yeri tutduğuna görə Azərbaycan Respublikası Təhsil Nazirliyi “Təhsil” Respublika İdman Mərkəzi tərəfindən diplomla təltif olunmuşdur.