Məktəbimizin fiziki tərbiyə müəllimləri Asəf Mehdiyev və Pərvanə Əliyevadan uğurlu çıxış.
Məktəbimizin fiziki tərbiyə müəllimləri Asəf Mehdiyev və Pərvanə Əliyevadan uğurlu çıxış.
Məlumat vermək istəyirik ki, 11.06.2024-cü il tarixdə, 251 nömrəli tam orta məktəbdə Bakı Şəhər Gənclər və İdman idarəsinin, Dövlət İdarələri və İctimai Xidmət İşçiləri Həmkarlar İttifaqı Nizami Rayon Komitəsinin birgə təşkilatçılığı, Azərbaycan Badminton Federasiyasının və 251 nömrəli tam orta məktəbin dəstəyi ilə 15 İyun"Milli Qurtuluş Günü" münasibəti ilə Nizami rayon müəllimləri arasında "Badminton" üzrə rayon turniri keçirilmişdir. Əvvəlcə Azərbaycan Respublikasının Dövlət Himni səsləndirilmişdir. Sonra Vətən Müharibəsi şəhidlərinin və Ulu Öndər Heydər Əliyevin əziz xatirələri bir dəqiqəlik sükutla yad edilmişdir. BŞGİ-nin Nizami rayonu üzrə gənclər və idman sektorunun müdiri Vasif İsayev çıxış edərək, turnir iştirakçılarına öz ürək sözlərini bildirdi. Turnirin baş hakimi Kərim Musayev turnir iştirakçılarını qaydalarla tanış etdikdən sonra, turnirə start verildi. Turnirdə 12 komanda tərkibində 24 nəfər iştirak etmişdir.Turnir komanda növündə,o cümlədən kişilər və qadınlar arasında şəxsi növdə olimpiya sistemi üzrə keçirilmişdir. Gərgin və maraqlı idman mübarizəsi şəraitində keçən turnirin yekununda məktəbimizin komandası komanda hesabında III, kişilərin şəxsi yarışında Asəf Mehdiyev III, Qadınların şəxsi yarışında Pərvanə Əliyeva II yerə layiq görülmüşlər. Müəllimlərimizi məktəb kollektivi adından təbrik edir, gələcək yarışlarda uğurlar arzulayırıq.
