Növbəti uğurumuz
5-6 noyabr 2023-ci il tarixlərində Azərbaycanda, Bakıda ISMA BAKU təşkilatçılığı ilə CASPIAN CUP 2023 Beynəlxalq Mental Arifmetika Müsabiqəsi və Arifmetika Turniri keçirilmişdir. Müsabiqədə 10 ölkədən (Azərbaycan, Rusiya, Kanada, Özbəkistan, ABŞ, İspaniya, Rumıniya, Bolqarıstan, BƏƏ, Böyük Britaniya) 500-dən çox uşaq iştirak edib. 5-14 yaşlı şagirdlər sayma sürəti üzrə yarışdılar. Müsabiqənin digər yarışlardan fərqi , bu dəfə sadəcə mental aritmetik bacarıqlar deyil, həm də riyazi bacarıqları olan uşaqlar da yarışdılar .
Bu müsabiqədə 2 ci yerə layiq görülmüş şagirdlərdən biri də 242 nömrəli tam orta məktəbin 4- cü sinif şagirdi Hüseynov Mərvə olmuşdur. O 4 cü kateqoriya üzrə yarışaraq 10 dəqiqəyə müxtəlif çətinlikdəki 180 hesablama ( hər hesablama əməlinə 5 hesab daxil olmaqla) əməlini yerinə yetirib. Ümumilikdə 5 mərhələdən ibarət olan müsabiqənin hər mərhələsi üçün 2 dəqiqə vaxt verilir .
