“Beynəlxalq Qızlar Günü”nə həsr olunmuş dəyirmi masa keçirildi
BMT Türkiyənin təklifi ilə 11 oktyabr tarixini Beynəlxalq Qızlar Günü elan edib. 193 üzvlü BMT Baş Assambleyasında qəbul edilən qərar Türkiyə, Kanada və Peru tərəfindən hazırlanan qətnamə əsasında verilib. 2012-ci ildən etibarən 11 oktyabrın Beynəlxalq Qızlar Günü olaraq qəbul edilməsinə bütün üzv ölkələr səs verib. Qərarda iqtisadi inkişafda BMT-nin Minilliyin İnkişaf Proqramına nail olunması və qız uşaqlarının onlarla bağlı qərarların verilməsində iştirakının dəstəklənməsi və digər məqamlar öz əksini tapıb.
11.10.2023 -cü il tarixində “Beynəlxalq Qızlar Günü”nə həsr olunmuş dəyirmi masa keçirildi. Tədbirdə məktəbin təlim-tərbiyə işlər üzrə direktor müavini Günay Əhmədova, məktəbdənkənar və sinifdənxaric işlər üzrə təşkilatçı müavin Aybəniz Vəliyeva iştirak etdilər.
Bu günün keçirilməsində əsas məqsəd diqqəti qızların hüquqlarının müdafiəsinə, oğlan və qızlar arasında gender bərabərliyinin təmin olunmasına, müxtəlif növ ayrı-seçkilikdən və baxımsızlıqdan əziyyət çəkən qızlara yönəltməkdir.
