Rəqəmsal gələcək adlı riyaziyyat və informatika gecəsi keçirildi
01.03.2023-cü il tarixində məktəbin riyaziyyat müəllimləri Şəhla Məmmədova , Səidə Məmmədova , Yeganə İbrahimova, Gülşən Sultanzadə və informatika müəllimi Nəzirə Yusibovanın təşkilatçılığı ilə "Rəqəmsal gələcək" adlı riyaziyyat və informatika gecəsi keçirilmişdir. Tədbir məktəbin 5, 6, 7 və 8-ci sinif şagirdlərinin iştirakı ilə keçirildi. Tədbir Dövlət himni ilə başlanıldı, ilk əvvəl riyaziyyat və informatika elminin vacibliyi vurğulanaraq, riyaziyyata dair şeirlər səsləndirildi, informatika haqqında elmi məlumat verildi. Daha sonra bir-birindən maraqlı "Rəqəmlərin söhbəti", "Həndəsi fiqurların bəhsi", "Kompüter və qurğular" adlı səhnəciklər nümayiş olundu. Şagirdlər tərəfindən rəqs nömrələri göstərildi, tapmacalar səsləndirildi.
Tədbirin sonunda məktəb rəhbəri Sevinc xanım Bayramovanın çıxışı dinlənildi. Tədbirdə iştirak edən şagirdlər "Tərifnamə" ilə təltif olundular.
