24 №-li tam orta məktəb

     BŞTİ tərəfindən “Məktəblinin yay mütaliəsi” layihəsinə  start verilmişdir. Bu layihə çərçivəsinə əsasən  5”A” sinfinin şagirdləri  məktəbin həyətinə yığışaraq müəllimləri Sevinc Nəsibova və kitabxana müdiri  Vüsalə Əliyeva ilə tətil ərzində oxuduqları kitablar haqqında qarşılıqlı müzakirə etdilər. Sonra şagirdlər oxuduqları kitabları sinif yoldaşları ilə qarşılıqlı dəyişdilər.

#məktəblininyaymütaliəsi

Bakı Şəhəri üzrə Təhsil İdarəsi (BŞTİ) tərəfindən paytaxtın təhsil müəssisələrinin iştirakı ilə “Məktəblinin yay mütaliəsi” adlı layihəsinə start verilir.

Layihənin əsas məqsədi şagirdlərin yay tətili günlərində asudə vaxtlarının səmərəli təşkili, mütaliəyə maraqlarının artırılması, kitab mübadiləsi mədəniyyətinin genişləndirilməsi, oxu bacarıqlarının inkişaf etdirilməsi və nitq vərdişlərinin təkmilləşdirilməsindən ibarətdir.

Layihə çərçivəsində paytaxtın təhsil müəssisələri şagirdlərin oxuduğu kitabları əks etdirən fotoşəkilləri, yaxud oxuduqları əsər və onun müəllifi ilə bağlı fikirlərinə dair videogörüntüləri məktəbin sosial şəbəkə hesablarında #məktəblininyaymütaliəsi haşteqi ilə paylaşması nəzərdə tutulur.

Qeyd edək ki, layihə sentyabr ayına qədər davam edəcək.

     Məktəbimizin təhsilverənlərin sertifikatlaşdırılması prosesinin test imtahanı mərhələsində yüksək bal toplayan  müəllimlərimiz.

Fəhradova Aynur-52 bal riyaziyyat fənni

Xəlilova İradə-56 bal İngilis dili  fənni

Almuradova Ramilə- 51 bal ingilis dili fənni

Omarova Gülüstan- 57 bal ibtidai sinif üzrə

Həsənova Səbinə- 55 bal ibtidai sinif üzrə

Məmmədova Ülviyyə- 52 bal ibtidai sinif üzrə

Müəllimlərimizi təbrik edirik.

İyunun 21-də dövlət ümumi təhsil müəssisələrində çalışan təhsilverənlərin sertifikatlaşdırılması prosesinin test imtahanı mərhələsinə başlanılıb.

Qaydalara müvafiq olaraq, test imtahanı ilə bağlı məlumat 15 may tarixində iştirakçıların şəxsi kabinetlərinə göndərilib.

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində çalışan 2 379 təhsilverən sertifikatlaşdırma prosesinin test imtahanı mərhələsinə  dəvət olunub.

Məktəbəqədər və Ümumi Təhsil üzrə Dövlət Agentliyinin direktor müavini, Agentliyin Bakı Şəhəri üzrə Təhsil İdarəsinin müdiri vəzifəsini müvəqqəti icra edən Nərminə Hüseynova və BŞTİ-nin müvafiq struktur bölmə rəhbərləri imtahan mərkəzinə gəlib və müəllimlərə öz tövsiyələrini verib, uğurlar arzulayıb.

Qeyd edək ki, test imtahanı mərhələsində 120 dəqiqə müddətində təhsilverənlərin tədris etdiyi fənn üzrə ümumi təhsil proqramlarına, tədris metodikasına və təlim strategiyalarına aid 60 sual təqdim edilir. Hər düzgün cavab 1 balla qiymətləndirilir. Bu mərhələnin nəticələri üzrə balların hesablanması avtomatlaşdırılmış rejimdə proqram təminatı vasitəsilə həyata keçirilir və imtahan başa çatdıqdan dərhal sonra namizədin kompüterinin ekranında görünür.

Nəzərinizə çatdırırıq ki, test imtahanında mümkün 60 baldan minimum 30 bal toplamış təhsilverənlər sertifikatlaşdırmanın müsahibə mərhələsinə iştirak hüququ qazanacaq.

Xatırladaq ki, Nazirlər Kabinetinin 18 avqust 2022-ci il tarixli qərarına əsasən, dövlət ümumi təhsil müəssisələrinin təhsilverənlərinə sertifikatlaşdırmanın nəticəsinə uyğun olaraq tədris edilən dərs saatına görə test imtahanı mərhələsində nəticə göstərənlərin vəzifə maaşlarına əlavələr ediləcək.

Sertifikatlaşdırmada iştirak edən bütün müəllimlərə uğurlar arzulayırıq!

     14.06.2024-cü il tarixində məktəbimizdə “Son zəng” tədbiri keçirildi.

   Tədbir Azərbaycan Respublikasının  Dövlət bayrağının gətirilməsi və Dövlət himninin səsləndirilməsi ilə başlandı. Vətən uğrunda canlarından keçən şəhidlərimizin ruhu bir dəqiqəlik sükutla yad edildi.   Tədbiri giriş sözü ilə açan məktəbin direktoru Səbinə Əliyeva məzunları Son zəng münasibətilə təbrik etdi, addımlayacaqları həyatda uğurlar arzuladı və  builki  buraxılış imtahanında yüksək nəticə göstərən şagirdlərə Fəxri Fərmanlar təqdim etdi.  Tədbirdə Xətai Rayon İcra Hakimiyyətinin nümayəndəsi Cəlal Qurbanov iştirak etdi.

Şagirdlərin hazırladıqları musiqili-bədii çıxışlar maraqlı və yaddaqalan olmaqla yanaşı tədbir iştirakçılarına xoş təəssürat bağışladı. Yolunuz açıq olsun, əziz məzunlar!