“İngilis dilini öyrənənlər üçün” adlı tədris vəsaitinin təqdimatı keçirildi
Noyabrın 5-də 2009/2010 tədris ilində Azərbaycan Respublikası Prezidenti cənab İlham Əliyevin Sərəncamı ilə “Ən yaxşı müəllim” müsabiqəsinin qalibi olmuş ingilis dili müəllimi Solmaz Məmmədovanın “İngilis dilini öyrənənlər üçün” adlı tədris vəsaitinin rus dilində olan nəşrinin təqdimatı keçirildi.Vəsaitdə ingilis dilinin qrammatik qaydaları sadə və anlaşıqlı izah edilir və tapşırqlar vasitəsilə möhkəmləndirilir.
Təqdimatda məktəb rəhbərliyi, xarici dillər üzrə fənn metodbirləşmənin üzvləri və müxtəlif məktəblərin ingilis dili müəllimləri iştirak etdilər. İştirakçılar Solmaz muəllimi təbrik edərək, kitabın ingilis dilini öyrənənlər üçün çox faydalı ola biləcəyini söylədilər. Təqdimatın sonunda müəllif tərəfindən kitabın imzalı nümunələri həmkarlarına hədiyyə edildi.