Bilik günü
Bütün məktəblərdə olduğu kimi məktəbdə də yeni tədris ilinin başlanması münasibəti ilə “Bilik günü” qeyd edildi. Bilik günü ilk zəng, ilk həyəcandır. Bu gün məktəb həyatına ilk dəfə qədəm basan birincilər üçün səbirsizliklə gözlənilən bir gündür.
Tədbir Azərbaycan Respublikasının Dövlət himninin səsləndirilməsi ilə başladı. Tədbirdə məktəbin yeni direktoru Xuraman Osmanova çıxış edərək hər kəsi salamladı və şagirdlərə tədris ilində uğurlar dilədi. Sonra tədbirdə çıxış edən qonaqlar gözlərində sevinc, həyacan olan birincilərin valideynlərini təbrik etdilər. Tədbir ilk zəngin vurulması ilə sona çatdı.
