Məktəblilər arasında stolüstü tennis üzrə yarış
Paytaxt üzrə ümumi təhsil məktəblərinin şagirdlərindən ibarət komandalar arasında stolüstü tennis üzrə Bakı şəhər birinciliyi təşkil edilib.
Yarış Bakı Şəhəri üzrə Təhsil İdarəsi (BŞTİ) və Bakı Şəhər Gənclər və İdman Baş İdarəsinin təşkilatçılığı ilə keçirilib.
BŞTİ-nin tabeliyindəki 258 nömrəli tam orta məktəbdə təşkil olunan birinciliyin final mərhələsində 8 komanda iştirak edib. Gərgin idman mübarizəsi şəraitində komandamızı 4a sinif şagirdi Hacılı Rüstəm, 6b sinif şagirdi Hüseynli Seyfəli, 7b sinif şagirdi Əbilzadə Xədicə, 9b sinif şagirdi Abbasov Rəvan, 9ç sinif şagirdi Babayeva Ləman və 9ç sinif şagirdi Əliyeva Aygül təmsil edirdi.
Yarışın nəticələrinə əsasən məktəbimizin komandası I yerə layiq görülüb. Qalib komandaların üzvləri müvafiq dərəcəli diplom və medalla təltif edilib.
