Gəncə və Şəmkir şəhərlərində rus dili müəllimlərinin seminarı keçirildi
21-22 noyabr tarixlərində Rusiya İnformasiya və Mədəniyyət Mərkəzinin dəstəyi ilə Gəncə və Şəmkir şəhərlərində Azərbaycanın qərb regionunun rus dili müəllimləri üçün seminar keçirildi. Seminarda ətraf rayonlardan rus dili fənnini tədris edən 200-dən artıq müəllim iştirak etmişdi. Seminarı məktəbimizin rus dili müəllimi Dilbər Məmmədova və Bakı Avropa liseyinin rus dili və ədəbiyyatı müəllimi Səbinə Cəfərova keçirdilər.
Seminarda RİMM-in direktoru Valentin Denisov, Respublikanın Rusdilli Təhsil Müəssisələri Assosiasiyasının sədri Lyubov Yakunina və Azərbaycanda Rusiya Ali Məktəblərinin Məzunlar Assosiasiyasının sədri Üzeyir Əliyev çıxış edərək rus dili fənninin tədrisində keyfiyyətinin yaxşılaşdırılması üçün belə seminarların keçirilməsinin əhəmiyyətindən danışdılar.
