Torpaq çərşənbəsi qeyd olundu
Bu gün Azərbaycanda Novruz çərşənbələrindən sonuncusu, Torpaq çərşənbəsi qeyd olunur. Bu çərşənbə el arasında "Yer çərşənbəsi", "İlaxır Çərşənbə" və ya "Torpaq çərşənbəsi" kimi adlandırılır. İnanclara görə, Novruz bayramı ərəfəsi, sonuncu çərşənbədə yer oyanır, torpaq nəfəs alır. İlaxır çərşənbədə bağ-bostan yerləri əkinə hazırlanır. Evlərdə süfrəyə təbiətin canlanmasının rəmzi olan səməni qoyulur. Məktəbimizdə isə İlaxır çərşənbə özünəməxsus tədbirlərlə yaddaqalan oldu. Şagirdlər bayram sevinci içərisində istedad və bacarıqlarını nümayiş etdilər.
