“Məktəbli bostanı” yaradılıb
Aprel ayının 9-da Yaşıl layihə: “Təbiəti qoruyanlar” layihəsi çərçivəsində məktəbin biologiya fənni üzrə metodbirləşmə rəhbəri Yeganə Bayramova və təşkilatçı Bahar Əkbərovanın rəhbərliyi altında VII “B” sinif şagirdləri məktəbin həyətyanı sahəsində “Məktəbli bostanı” yaradıblar. Bostanın salınmasının əsas məqsədi şagirdlərin ekoloji maarifləndirilməsi, onların ekoloji biliklərinin və tədqiqatçılıq bacarıqlarının artırılması, müəllim-şagird, şagird-şagird əməkdaşlığının inkişafından ibarət olub.
Şagirdlər çox böyük həvəslə bostanda ləklər düzəldib, müxtəlif tərəvəz ştilləri və bitki toxumları əkib, sonra onları sulayıblar.