"Şagird davranış qaydaları"nın tədbiqi davam edir
Elm və Təhsil Nazirliyi tərəfindən "Ümumi təhsil müəssisələrində şagird davranış qaydaları" və "Valideyn-məktəb münasibətlərinin tənzimlənməsi üzrə təlimat"a əsasən məktəb psixoloqları Şərifə Hüseynova və Səbiyə Əmiraslanlının təşkilatçılığı ilə "Şagird davranış qaydaları" adlı videoçarx hazırlanıb. Davranış nümunələrinin hazırlanması şagirdlərin həyat və sağlamlığının təminatına, tədris prosesinin təhlükəsizliyinin təminatına, məktəbdə, hər bir şagirdin uğurlu təliminə köməklik edən, normal iş şəraitinin yaradılmasına, şəxsiyyətə və onun hüquqlarına hörmətin tərbiyə edilməsinə, davranış mədəniyyətin və ünsiyyət bacarıqlarının inkişafına istiqamətlənib. Dünya təcrübəsi də göstərir ki, məktəblərdə sinfin idarə olunmasının ən vacib yolu davranış qaydalarının olmasıdır.
