“Vətənin qəhrəman oğulları” mövzusunda tədbir keçirilib
Mayın 10-da məktəbin illik fəaliyyət planın 3.1.5.-ci bəndinin icrası məqsədilə məktəbin məktəbin musiqi müəllimi Minə Həsənovanın təşkilatçılığı ilə “Vətənin qəhrəman oğulları” mövzusunda tədbir keçirilib. Azərbaycan Respublikasının Dövlət Himninin səsləndirilməsindən sonra başlayan tədbirdə şagirdlər hazırladıqları təqdimatları nümayiş etdiriblər. Vətənimizin müstəqilliyi və ərazi bütövlüyü uğrunda canını fəda edən qəhrəman oğullarımızın həyatından və qəhrəmanlıqlarından bəhs ediblər. Minə xanım tədbirdə çıxış edərək bildirib ki, vətən uğrunda canından keçən qəhrəmanlar heç vaxt unudulmur. Həmin qəhrəmanların təbliği isə gənclərin vətənpərvərlik ruhunun formalaşmasında müstəsna rol oynayır. Tədbir ərzində şagirdlər vətənpərvərlik ruhunda musiqilər səsləndiriblər. Tədbirdə məktəbin şagirdləri, təlim tərbiyə işləri üzrə direktor müavini Cəmilə Nuqrəzadə və fənn müəllimləri iştirak ediblər.
Məqsəd vətənpərvərlik, milli mənəvi dəyərlərimizə hörmət hissinin aşılanması, xalqımızın qəhrəmanlıq salnaməsinin təbliği və təşviqidir.
