Novruz milli - mədəni dəyərimizdir
Məktəbimizdə xalqımızın bu günə qədər yaşatdığı, qoruyub gələcək nəsillərə ötürdüyü, elimizin, obamızın bolluq, bərəkət rəmzi olan novruz şənliyinə həsr olunmuş silsilə tədbirlər keçirilir. Novruz yeni gün, yeni həyat mənasını daşıyır. Çünki məhz Novruzda həyat yenidən canlanır, bitkilər baş qaldırır, torpaq qış yuxusundan oyanır, ağaclar çiçəklənir, gecə ilə gündüz bərabərləşir və beləliklə də yeni həyat başlayır.
Məktəbin illik fəaliyyət planının 1.3.20-ci bəndinə uyğun olaraq "Kimya - Biologiya aylığı" çərçivəsində məktəbin kimya müəllimi Elnarə Məhərrəmovanın təşkilatçılığı ilə "Novruz milli - mədəni dəyərimizdir" adlı tədbir keçirildi. Tədbirin keçirilməsində məqsəd milliliyin, milli-mənəvi dəyərlərin təbliği, milli bayramlarımızın qeyd olunması ilə xalqımızın milli - mənəvi dəyərlərini yaşatmaqdır.
Tədbirdə 5 "c" sinif şagirdləri novruz bayramına aid bayatılar, haxışdalar, şeirlər səsləndiriblər və rəqslər nümayiş etdiriblər.
