"Zəfər Günü" və "Bayraq Günü"nə həsr olunmuş tədbir
Tariximizə qızıl hərflərlə yazılmış “Zəfər Günü” Azərbaycan xalqının əvəzsiz və qürurverici günlərindəndir. Şəhidlərimizin, qazilərimizin və Ali Baş Komandan İlham Əliyevin uzaqgörən siyasəti nəticəsində qazandığımız bu zəfəri bütün təhsil müəssisələrində olduğu kimi Yasamal rayonu T.Abbasov 225 N-li adına məktəb də Yasamal rayonu Mərkəzləşdirilmiş kitabxana və Yasamal rayonu Heydər Əliyev Mərkəzinin birgə əməkdaşlığı ilə qeyd etmişdir. Tədbirə dəvət olunan qazilər, şəhid anaları, mətbuat işçiləri və digər qonaqlar tədbirdə çıxış edən “Kiçik Akademiya” üzvlərinin çıxışlarını dinləyərək onların vətənpərvər ruhda olduqlarını, vətəni layiqincə hər yerdə təmsil etmələrini bildirmişlər. Məktəbimizin təşkilatı işlər üzrə direktor müavini, eyni zamanda “Kiçik Akademiya”nın rəhbəri Zenfira Nusalova tədbirə təşrif buyuran bütün qonaqlara minnətdarlığını bildirərək Böyük Zəfəri bizə yaşadan şəhidlərimizi və qazilərimizi hər daim anacağımızı bildirmişdir.
