214 saylı tam orta məktəbdə Bilik Günü
Təhsil hər bir ölkənin və xalqın yüksəlişində mühüm rol oynayır. 15 sentyabr hər kəs üçün yeni tədris ilinin başlanğıcını qeyd etdikləri bayram günüdür. Bu gün hər kəsin çöhrəsində sevinc, təbəssüm duyulur, lakin gəlin etiraf edək ki, ən çox sevinən 1-ci siniflərdir. Çünki onlar ilk dəfə kövrək, ürkək addımlarla bu möhtəşəm elm, bilik səltənətinin astanasında dayanıb geniş, işıqlı sinif otaqlarına daxil olacaqları anı səbirsizliklə gözləyirlər. V.Sadıqov adına 214 saylı tam orta məktəbə 2015-2016-cı tədris ilində I sinfə 229 şagird qəbul edilib. Bunlar 4 azərbaycan bölməsi, 4 rus bölməsi olmaqla 8 sinifdə kompelktləşdiriliblər.
