"Zəfər tarixi” konfransı
“Zəfər tarixi” konfranslarının keçirilməsi barədə Bakı Şəhəri üzrə Təhsil İdarəsinin 18.04.2022-ci il tarixli F-146 nömrəli əmrin icrasının davamı olaraq “Zəfər tarixi” adlı konfrans təşkil edildi. Konfransın iştirakçıları məktəbin tarix müəllimləri və 9-cu sinif şagirdləridir. İnteraktiv şəkildə və müzakirələr əsasında keçirilən konfransın 1 mərhələsində tarix müəllimi Zimirxan Əliyev 9-cu sinif şagirdlərinə Zəfər tariximiz barədə ətraflı məlumat verdi. Azərbaycanın ərazi bütövlüyü uğrunda şücaət göstərərək şəhidlik zirvəsinə ucalmış oğullarımızın şagirdlər arasında tanıdılması məqsədilə şagird təqdimatları dinlənildi. Şagirdlərlə mövzu ətrafında fikir mübadiləsi aparılaraq, müzakirələr təşkil edildi. Konfransın sonunda çıxış edən məktəbin təlim-tərbiyə işləri üzrə direktor müavini Tural Taqıyev bu kimi tədbirlərin gənc nəslin vətənpərvərlik ruhunda tərbiyə edilməsində mühüm rol oynadığını vurğuladı. “Zəfər tarixi” konfranslarının II mərhələsi məktəb kitabxanasında təşkil olundu. Dəyirmi masa ətrafında toplanan məktəb rəhbərliyi və müəllimlər “Zəfər tarixi” fənninin tədrisini, şagirdlərin vətənpərvərlik tərbiyəsi istiqamətində görülən işləri müzakirə edilərək təkliflər hazırladılar.
