Natiq Lətif oğlu Tağıyev
Tağıyev Natiq Lətif oğlu 9 sentyabr 1975-ci ildə Yerevan şəhərində anadan olmuş, 1988-ci ildə məlum hadisələrlə bağlı Bakı şəhərinə köçmüşlər. Təhsilini 212 nömrəli məktəbdə davam etdirmiş,1992-ci ilin iyun ayında məktəbi bitirərək “attestat” almışdır. 1993-cü ilin 5 oktyabrından hərbi xidmətini Gəncə şəhərində davam etdirmiş, sonradan Tərtər rayonun Cəmilli kəndində döyüşüb, 1994-cü ilin 25 aprelində Ağdərə uğrunda döyüş zamanı şəhid olmuşdur. Qulluq etdiyi hərbi hissələrin komandirlərinin təqdimatında N.Tağıyevin hərbi sahədə uğurları xüsusi qeyd edilmişdir. 27 avqust 1994-cü ildə 212 nömrəli məktəb şəhid N.Tağıyevin adına verilmişdir.