- Sevil Cavadova Eyvaz
- Vəzifə: Direktor
- Fənn: Azərbaycan dili
- Bitirdiyi təhsil müəssisəsi: ADPU
- Təvəllüd: 07.07.1984
- İlk fəaliyyət ili: 03.03.2009
- E-mail: [email protected]
Sevil Cavadova 2002-2006-cı illərdə ADPU-nun Filologiya fakültəsini bakalavr, 2006-2008-ci illərdə BDU-nun Filologiya fakültəsini magistr, 2011-2017-ci illərdə ARTİ-nin doktoranturasını fərqlənmə diplomu ilə bitirib. "X-XI siniflərin ədəbiyyat dərslərində inteqrasiyadan istifadənin imkan və yolları" adlı dissertasiya işi işləyib. 1 monoqrafiya, 21 elmi məqalə, 6 dərslik və metodik vəsait, lüğət və sorğu kitabının, 9-cu və 11-ci sinif üçün "Azərbaycan dili" tədris dili metodik vəsaitinin və Ümumtəhsil məktəblərinin 9-cu sinifləri üçün "Azərbaycan dili" dövlət dili kimi (2016) dərsliyinin müəllifidir. 2009-2016-cı illərdə Azərbaycan Respublikasının Təhsil İnstitutunda böyük elmi işçi kimi fəaliyyət göstərib. 2017-ci ildən etibarən MİQ, 2022-ci ildən etibarən müəllimlərin sertifikasiyasında komissiya sədridir. Elm və Təhsil Nazirliyinin dərsliklər üzrə eksperti, T-Networkun “Könüllü müsahib” proqramının aparıcı münsifidir. Türkiyə, Fransa kimi qabaqcıl təhsil təcrübəsi olan ölkələrdə ixtisasartırma təlimləri keçmişdir.
2015-ci ildə UNİCEF və Xəzər Universitetinin birgə təşkilatçılığı ilə təşkil olunmuş "Potensial məktəb direktorları" kursunu uğurla başa vurub. 2016-cı ildə Səbail rayonu 163 nömrəli tam orta məktəbə direktor təyin edilib. Fəaliyyəti müddətində Azərbaycan Respublikasının Prezidenti Yanında Bilik fondu, YAP Səbail rayonu təşkilatı, Gender Araşdırmaları Mərkəzi, "İnkişaf" elm fondu, "LLL" təhsil cəmiyyəti, BŞTİ-nin Həmkarlar İttifaqı Komitəsi kimi peşəkər cəmiyyətlərin fəal üzvü, Səbail Rayonu İcra Hakimiyyətinin YYÇ-nin sədr müavini olub. Səbail Rayonu İcra Hakimiyyətinin Fəxri fərmanı - 2019, Səbail Rayon Seçki Dairəsinin Fəxri fərmanı - 2019, Azad Həmkarlar İttifaqının Səbail Rayon Komitəsinin Fəxri fərmanına - 2018 layiq görülüb. 2019-cu ildə "Pedoqoji mühazirələr"də “Məktəbdə metodik xidmətin təşkili” üzrə mühazirəsi ilə ölkə birinciliyini qazanaraq Təhsil Nazirinin diplomuna layiq görülmüşdür. “Təhsildə inkişaf və innovasiyalar” üzrə qrant müsabiqəsində 3 dəfə qalib olub.
2023-cü ilin sentyabr ayından etibarən Nərimanov rayonu Natiq Tağıyev adına 212 nömrəli tam orta məktəbə direktor təyin olunub. Eyni zamanda, YAP Nərimanovun yerli təşkilatının, MSK-nın 18-ci dairəsinin 2-ci məntəqəsinin sədridir. 2023-cü ildə “Heydər Əliyev Məktəbi” adlı partiya məktəbini fərqlənmə diplomu ilə başa vurub.
Ailəlidir, 2 övladı var.
Nihad Quliyev Oktay
Pərviz Allahverdiyev .
