"Torpaq and yerimizdir"
IV A sinfində Aprel döyüşlərinə həsr olunmuş "Torpaq and yerimizdir" adlı sinif təşkilat saatı keçirilmişdir. Şagirdlərə Azərbaycan və Ermənistan silahlı qüvvələri arasında 2016-cı il aprelin 1-dən 2-nə keçən gecə baş verən və 1994-cü ildə atəşkəs haqqında saziş imzalandıqdan bəri ən şiddətli döyüşlər olan Dördgünlük müharibə haqqında məlumat verildi. Bu müharibədə qəhrəman əsgər, gizir və zabitlərimiz təcavüzkar Ermənistan ordusuna ağır zərbələr endirərək 2 min hektardan artıq ərazini, Talış kəndi ətrafındakı yüksəkliklər, eləcə də Seysulan məntəqəsi düşmən qüvvələrindən tam azad edilib. Horadiz şəhərinin düşmən təhlükəsindən qorunması məqsədilə Füzuli rayonu istiqamətində yerləşən, geniş ərazini nəzarətdə saxlamaq imkanı verən strateji əhəmiyyətli "Lələ təpə" yüksəkliyinə üçrəngli bayrağımız sancılıb.
