Xocalı Soyqırımı
“Xocalı soyqırımının iyirmi doqquzuncu ildönümünün keçirilməsi ilə əlaqədar Bakı Şəhəri üzrə Təhsil İdarəsinin Tədbirlər Planı”na əsasən N.Həmidov adına 208 nömrəli tam orta məktəbdə ilk dərslər Xocalı soyqırımına həsr edilib. Məqsəd soyqırım qurbanlarının xatirəsini ehtiramla yad etmək, şagirdlərdə vətənpərvərlik hissini yüksəltmək, xalqımıza qarşı törədilən amansız cinayətlər barədə onlara ətraflı məlumat verməkdən ibarət olmuşdur. Faciə barədə filmlər, videoçarxlar nümayiş olundu, Xocalı faciəsi rəsmlərdə əks etdirildi.
