Ətraf mühitin qorunması
Hazırda ətraf mühiti çirkləndirən əsas faktorlardan biri də plastik qablaşdırma tullantılarıdır. 1960-cı illərdə bərk məişət tullantılarının tərkibində plastik tullantıların miqdarı 1 faizə qədər idi. Lakin hazırda bu göstərici 12 faizdən çoxdur. Ən əsası isə plastik tullantılar təbiətdə yüz illər ərzində parçalanmır, miqdarı isə ilbəil artır. Araşdırmalar göstərir ki, bu tullantılar düzgün idarə olunmadığından ətraf mühiti və sututarları çirkləndirir. Plastik qablaşdırma tullantılarının ətraf mühitə mənfi təsirinin minimuma endirilməsi baxımından onların səmərəli idarə olunması ilə bağlı tədbirlər görülməsi zəruridir. Son illərdə Azərbaycanda da bu istiqamətdə bir çox məqsədyönlü işlər görülüb. Plastik qablaşdırma tullantılarının ətraf mühitə mənfi təsiri və alternativ qablaşdırma materiallarından istifadənin əhəmiyyəti haqqında məktəbin coğrafiya müəllimi Xədicə Qarayeva və bioloqiya müəllimi Turanə Fərzəliyeva VIII və IX siniflərə maarifləndirici seminarlar keçirdilər.Seminarda müəllimlər xüsusi videoçarxlar vasitəsilə plastik qablaşdırmanın mənfi zərəri barədə məlumatlar verdilər. Sonra şagirdlərin təqdimatları dinlənildi . Plastik qablaşdırma tullantılarının mənfi təsiri haqqında şagirdlər ətraflı bilgi əldə etdilər.
