9 may - Qələbə günü
6 mayda Səbail rayon İcra hakimiyyətinin rəhbərliyi ilə 9 may - Qələbə günü münasibəti ilə müharibə illərində təxliyə hospitalının fəaliyyət göstərdiyi Səbail rayonu, 49 saylı “İntellekt” liseyinin qarşısında yerləşən parkda tədbir keçirildi. Tədbirdə Rayon İcra hakimiyyətinin başçısı Vuqar Zeynalov, bir qrup veteran, Hərbi Dəniz Qüvvələrinin zabit və matrosları, idarə, müəssisə və təşkilatların rəhbərləri iştirak etmişlər. Sonra orkestrin ifasında Azərbaycan Respublikasının Dövlət Himni səslənmişdir. Bu tədbirdə məktəbimizin bir qrup müəllim və şagird heyyəti iştirak etmiş və Sovet İttifaqı Qəhrəmanı Qafur Məmmədovun büstü qarşısına gül dəstələri qoymuşlar.
