7b sinfində “Dan ulduzu görünəndə” mövzusunda nümunəvi dərs keçirildi
16.10.2024-cü il tarixdə məktəbimizin Azərbaycan dili və ədəbiyyat müəllimi Anaxanım Məmmədova 7b sinfində “Dan ulduzu görünəndə” mövzusunda nümunəvi dərs keçirdi. Dərs zamanı müəllim 1.1.1., 2.1.3., 3.1.2 standartlarını reallaşdırdı. İlk öncə dərsin mövzusuna uyğun olaraq 44 günlük Vətən müharibəsində iştirak etmiş Qəhrəman şəhid həkimlərin timsalında bütün şəhidlər 1 dəqiqəlik sükutla yad edildi. Sonra şagirdlərə dinləmə mətni dinlədildi və mətnin tərkib hissələri və məzmunu üzərində kollektiv və cütlərlə iş aparıldı. Həmçinin səsli oxu üzrə iş aparıldı və mətnlərdəki obrazların oxşar xüsusiyyətləri müzakirə olundu.
Müzakirələrdə şagirdlər fəal iştirak edərək öz fikirlərini bildirdilər.
