Anım günü ilə bağlı ibtidai siniflərində dərslər
27 sentyabr-Anım günü ilə bağlı məktəbin ibtidai siniflərində dərslər keçirildi. Dərslərdə Vətən Müharibəsi şəhidlərinin əziz xatirəsi bir dəqiqəlik sükutla yad edildi,27 sentyabr Anım Günü barədə şagirdlərə məlumat verildi.2020-ci il sentyabrın 27-dən Ermənistanın ölkəmizə qarşı başlayan növbəti hərbi təcavüzünə cavab olaraq, Ali Baş Komandanın rəhbərliyi altında Azərbaycan Silahlı Qüvvələrinin işğal altındakı torpaqlarımızın azad edilməsi uğrunda Vətən Müharibəsinə başladığı şagirdlərin diqqətinə çatdırıldı. Qəhrəman oğullarımızın şücaəti, şəhidlərimizin qanı, canı bahasına bütün dünyanın Azərbaycanın şanlı qələbəsinə şahid olduğu və bu zəfərin həm də “Ermənistanın güclü ordusu var”, “erməni xalqı döyüşkən xalqdır” kimi miflərə birdəfəlik son qoyduğu bildirildi. Sonda şagirdlər şəhidlər haqqında şeirlər söylədilər, hazırladıqları videoçarxları nümayiş etdirdilər.
