“Suraxanı” gəmi-muzeyinə ekskursiya
28 apreldə məktəbin 4 B sinif şagirdləri sinif rəhbərləri Alina Baloğlanovanın rəhbərliyi ilə “Suraxanı” gəmi-muzeyinə ekskursiya təşkil etdilər. Şagirdlər bələdçilərin müşaiyəti ilə dünyanın ilk tanker-muzeyinin zallarını gəzib, gəmiçiliyə aid eksponatlarla yaxından tanış oldular. Onlar həmçinin oyun manipulyatorlarından istifadə edərək müxtəlif gəmi əməliyyatlarını yerinə yetirdilər. Uşaqlar muzeydəki “Qarabağ Azərbaycandır” adlı interaktivi isə böyük qürurla izlədilər. Ekskursiya şagirdləri və onları müşaiyət edən valideynləri tərəfindən müsbət qiymətləndirildi.
