F.Köçərli adına Respublika Uşaq Kitabxanasına ekskursiya
17 martda məktəbin kitabxana müdiri Aygün Quliyevanın və biologiya müəllimi Turanə Fərzəliyevanın rəhbərliyi ilə məktəbin 6 C sinif şagirdləri F.Köçərli adına Respublika Uşaq Kitabxanasına ekskursiya etdilər. Kitabxananın əməkdaşı uşaqları kitabxana ilə tanış etdi, kitabxanada təşkil olunmuş kitab sərgiləri, elektron kitabxana ilə bağlı məlumat verdi. Uşaqlar kitabxananın bütün şöbələrində oldular, kitabların kitabxana qaydası ilə işlənməsi, oxuculara verilməsi işi ilə bağlı informasiya əldə etdilər. Uşaqlar nağıl otağında Azərbaycan nağıllarını dinlədilər, müasir nağıllarımızı müzakirə etdilər. Məktəblilər kitabxanadan şən əhval- ruhiyyə ilə ayrıldılar.
