Aşıq Ələsgərin 200 illiyinə həsr olunmuş divar qəzetləri
2021-ci ildə Azərbaycan aşıq sənətinin görkəmli nümayəndəsi, qüdrətli söz ustadı Aşıq Ələsgərin anadan olmasının 200 illiyi tamam olur. Aşıq Ələsgər çoxəsrlik keçmişə malik aşıq sənəti ənənələrinə ən yüksək bədii-estetik meyarlarla yeni məzmun qazandırmış, xalq ruhuyla həmahəng əsərləri ilə Azərbaycanın mədəni sərvətlər xəzinəsinə misilsiz töhfələr bəxş etmişdir. Böyük söz ustadının yubileyi ölkəmizin hər yerində təntənəli sürətdə qeyd olunur. Bu məqsədlə məktəbin ayrı-ayrı sinifləri divar qəzetləri hazırladı, rəsmlər çəkdilər. Şagirdlər sənətkarın doğma təbiətə məhəbbət və vətənpərvərlik hisslərini vəhdətdə aşılayan, ana dilimizin saflığını, məna potensialını və hüdudsuz ifadə imkanlarını özündə cəmləşdirən dərin koloritli yaradıcılığını divar qəzetlərində əks etdirdilər.
