MİLLİ-MƏNƏVİ DƏYƏRLƏRİMİZİ QORUYAQ VƏ YAŞADAQ
Bu gün məktəbimizin 4a sinfində milli - mənəvi dəyərlərimiz layihəsi çərçivəsində Azərbaycan bəstəkarlıq məktəbinin banisi olan Üzeyir Hacıbəylinin həyat və yaradıcılğına həsr olunmuş “O olmasın, bu olsun” adlı bədii-publisistik tədbir keçirilib. Tədbirdə sinif rəhbəri Sevda Şahbazova Üzeyir Hacıbəylinin həyat yolu barədə danışıb, onun Azərbaycan musiqisinə verdiyi böyük töhvələr haqqında məlumat verib. Üzeyir Hacıbəyli mədəniyyət tariximizdə dahi bəstəkar, peşəkar musiqi sənətimizin və milli operamızın banisi, musiqişünas alim, publisist, dramaturq, pedaqoq və ictimai xadim kimi xüsusi yer tutur.Daha sonra, şagirdlər “O olmasın, bu olsun” komediyasından səhnələr nümayiş etdiriblər.
