“Gənclər günü”nə həsr edilmiş ədəbi-bədii gecə
01.02.2019-cu il tarixdə məktəbimizdə “Gənclər günü”nə həsr edilmiş ədəbi-bədii gecə keçirildi. Tədbirdə gəncliyə aid şeirlər, mahnılar söylənildi, Ulu Öndər H.Əliyevin gənclərə yüksək qayğı və diqqətini əks etdirən video çarx nümayiş etdirldi. Daha sonra müəllimlərdən Novruzova Dinara çıxış edərək təməli Ulu Öndər tərəfindən qoyulan və bu gündə Cənab prezident İlham Əliyev tərəfindən davam etdirilən gənclərə dəstək lahiyələri haqqında tədbir iştirakçılarına məlumat verdi. Aparılan gənclər siyasətinin Azərbaycanın gələcəyi olan bütün gənclərimiz üçün sağlam bünövrə, təməl yaratmasının həm bir valideyn, eyni zamanda gənclərlə daimi əlaqədə olan bir təhsil işçisi kimi onu da ruhlandırdığını vurğuladı. Tədbirdə müasir dövrümüzün eləcə də “Gəncliyin bəlası” sayılan narkomaniya haqqında səhnəcik nümayiş etdirildi, narkotik vasitələrin fəsadlarının geri dönüşü olmayan xəstəliklərlə, ən pis hallarda ölümlə nəticələnməsini göstərən zərərli vərdişlərdən çəkinməyə səsləyən ibrətamiz tamaşa göstərildi.
