196 №-li tam orta məktəb

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində Xocalı soyqırımının iyirmi səkkizinci ildönümü ilə əlaqədar silsilə tədbirlər keçirilib.

Təhsil müəssisələrində “Xocalısız 28 il”,  “Xocalı soyqırımı tarixin qan yaddaşıdır”,  “Xocalı-əsrin faciəsi”, “Unutsaq unudularıq”, “Bir yurd vardı-Xocalı”, “Xocalı uşaqların gözü ilə”, “Xocalı fəryadı”, “Xocalıya gedən yol”, “Bir şahidin beş şəhidi” və digər mövzularda dərslər, mühazirələr, “Dəyirmi masa”lar, ədəbi-bədii kompozisiyalar, rəsm və inşa müsabiqələri, idman yarışları keçirilib. Həmçinin divar qəzetlərindən ibarət sərgilər təşkil olunub, stendlər, guşələr, bülletenlər hazırlanıb.

Tədbirlərdə soyqırım qurbanlarının xatirəsi bir dəqiqəlik sükutla yad edilib. Şagirdlərə Xocalı faciəsinin tarixindən bəhs olunub. Bildirilib ki, 1992-ci il fevralın 25-dən 26-na keçən gecə bədnam ermənilər xalqımıza qarşı növbəti qanlı təcavüzə əl ataraq dəhşətli soyqırım törədib, günahsız insanların başına vəhşiliklər gətirib, dinc sakinləri kütləvi şəkildə öldürüblər.

Şagirdlər Vətənə, doğma torpağa olan sədaqət və məhəbbət duyğularını şeirlər,  ədəbi-bədii kompozisiyalar vasitəsilə nümayiş etdiriblər. Faciənin canlı şahidi olmasalar da, eşitdiklərini uşaq təxəyyülü ilə rəsmlərə köçürüblər.

Həmçinin təhsil müəssisələrində Xocalı faciəsi barədə filmlər nümayiş olunub, məktəblilərin və təhsil işçilərinin şəhid ailələri və soyqırım şahidləri ilə görüşləri keçirilib.

Tədbirlərin təşkil olunmasının əsas məqsədi həlak olanların xatirəsini ehtiramla yad etmək, məktəblilərdə vətənpərvərlik hissini yüksəltmək, Xocalı soyqırımı zamanı xalqımıza qarşı törədilən bəşəri cinayətlər barədə həqiqətləri onlara çatdırmaq, işğal altında olan torpaqlarımız haqqında şagirdləri məlumatlandırmaqdan ibarətdir.

Bakı Şəhəri üzrə Təhsil İdarəsinin tabeliyində fəaliyyət göstərən ümumi təhsil müəssisələrində və uşaq-gənclər inkişaf mərkəzlərində fevralın 26-da ilk dərs və məşğələlər Xocalı soyqırımına həsr edilib.

 “Xocalı soyqırımının iyirmi səkkizinci ildönümünün keçirilməsi ilə əlaqədar Bakı Şəhəri üzrə Təhsil İdarəsinin Tədbirlər Planı”na əsasən tədris olunan dərslər Xocalı qurbanlarının xatirəsini  yad etmək, böyüməkdə olan nəslə XX əsrin ən dəhşətli hadisələrindən olan Xocalı soyqırımı haqqında ətraflı məlumat vermək, məktəblilərdə düşmənə qarşı barışmazlıq hissi, Vətənə, doğma torpağa sədaqət və məhəbbət duyğularını gücləndirmək məqsədlərinə xidmət edir.

Dərslər Azərbaycanın müstəqilliyi uğrunda canlarını qurban vermiş şəhidlərin və Xocalı qurbanlarının əziz xatirəsinin bir dəqiqəlik sükutla yad edilməsi ilə başlayıb.

Müəllimlər dərs zamanı Xocalının tarixi, coğrafi mövqeyi, faciədən əvvəl əhalinin sayı və tərkibi, iqtisadi göstəriciləri, təhsil, səhiyyə, mədəniyyət ocaqları, tarixi-mədəni abidələri, görkəmli şəxsiyyətlərindən söhbət açıblar. Eyni zamanda, faciə nəticəsində öldürülən, ağır yaralanan, itkin düşən, girov götürülən sakinlərin statistikasından, soyqırımı törədənlərin vəhşi və qeyri-insani xislətindən bəhs ediblər. Bildirilib ki, Xocalı soyqırımı bütün bəşəriyyətə və insanlığa qarşı törədilmiş cinayətdir və bu hadisə yaddaşlarımızdan heç vaxt silinməyəcək.

Daha sonra şagirdlərin Xocalı faciəsi ilə bağlı fikirləri dinlənilib, müvafiq mövzu ətrafında müzakirələr aparılıb. Şagirdlər Vətənə, topağa aid şeirlər səsləndirib, onların hazırladıqları fotostendlər və guşələr nümayiş etdirilib.

Qeyd edək ki, Xocalı soyqırımının iyirmi səkkizinci ildönümü ilə əlaqədar təhsil müəssisələrinin müəllim və şagird kollektivinin soyqırım şahidləri ilə görüşləri və  “Ana fəryadı” abidəsinə ziyarəti də təşkil olunur.

    24 fevral 2020-ci il tarixdə məktəbimizdə  “26 fevral- Xocalı  faciəsi”-nin 28-ci ildönümünə həsr  edilmiş ədəbi-bədii gecə keçirildi. Tədbir dövlət himninin səsləndirilməsi ilə başlandı. Sonra Xocalı faciəsinə, şəhidlərə, qəhrəmalığa, dövlətimizə həsr edilmiş şeirlər və mahnılar səsləndirildi, dəhşətli  gecənin canlı şahidlərinin dilindən səslənən  amansız  vəhşiliklərdən bəhs edən video-çarx nümayiş etdirildi, kiçik səhnəciklər  təqdim olundu. Göstərilən  faktlar , o gecənin amansız , insanlığa sığmayan zülmü, qəddarlığı, dinc sakinlərin, körpələrin, yaşlıların başına gətirilən müsibətlərin  video-çarxda az da olsa əksini tapmış nümayişi qarşısında  tədbir iştirakçıları göz yaşlarına hakim ola bilmədi.

    Tarix  müəllimləri  R.Kişizadə, B.Cabbarov, Ş.Əsgərovanın  çıxışlarında  faciənin qurbanları, azadlıq uğrunda canlarından keçən şəhidlər, işğal  olunmuş  torpaqlar   haqqında tədbir iştirakçılarına  məlumat  verdilər.

Dil hər bir xalqın mənəvi sərvəti, qürur  yeridir. Ana dilimiz öz qrammatik  quruluşuna, zəngin, fonetik  ahənginə görə qeyri-adi gözəlliyə malik bir dildir. Azərbaycan dili bizim hər birimiz üçün ana laylası qədər əziz və müqəddəsdir.

    21 Fevral Beynəlxalq ana dili günüdür. Bu məqsədlə məktəbimizdə  “Ana dilim-qürur mənbəyim!” adlı ədəbi-bədii  gecə keçirildi. Tədbirdə müxtılif seirlər, mahnılar səsləndirildi, səhnəciklər, rəqs nümunələri  və video çarxlar nümayiş etdirildi.

    5 fevral 2020-ci ildə məktəbimizdə Bakı Dövlət Universitetinn 100 illik yubileyi münasibətilə keçirilməsi nəzərd tutulan tədbirlər planının 1 bəndinin 1.4. yarımbəndinə əsasən kitabxana rəhbərliyi tərəfindən “Mütaliəni həyat tərzinə çevirək!” devizi ilə məktəbin VIII-XI sinif şagirdləri arasında dəyirmi masa, disput keçirilmişdir. Tədbirdə şagirdlərin bu il ərzində, eləcə də əvvəlki illərdə həm məktəb proqramında nəzərdə tutulan,həm də sinifdənxaric olaraq oxumuş olduqları müxtəlif yerli və əcnəbi şair və yazıçıların əsərlərini müzakirə etdilər. Əsərlərdən qısa parçalar səsləndirdilər.