Heydər Əliyev:Tarixin bir əsrlik salnaməsi 196 saylı məktəbdə.Tarixə zirvədən boylananların keçmişi ,bu günü və sabahı.
Tarix təkcə bir xalqın keçmişi, onun özünüdərkinin salnaməsi deyil, həm də dünənindən və bu günündən sabaha kimlik vəsiqəsidir.Professor Əbu Turxan deyirdi ki, insanı yaşadan, irəli aparan arzulardır, amma hər bir insanın qəlbinin dərinliyində bir tarixdə qalmaq arzusu da var.Lakin elə insanlar da var ki, onların özləri canlı tarixdirlər və tarix onlardan yazmağa, onları yaşatmağa borcludur, hətta öz məsuliyyətini də anlayır.Bu baxımdan, Helvetsinin məşhur fikri də burada yerinə düşür:"Tarix hadisələrin romanı, roman isə duyğuların tarixidir".Ümummilli lider Heydər Əliyev isə haqlı olaraq qeyd edirdi ki ,tarix həmişə hər şeyi öz yerinə qoyur,hər kəsin doğru-dürüst qiymətini verir.... O, tarixi milli özünüdərkin lokomotivi sayır və ona görə də deyirdi ki,xalq gərək daim öz kökünü xatırlasın....
