İngilis dili fənnindən IV siniflər arasında müsabiqə keçirildi
Ümummilli lider Heydər Əliyev dilimizi yüksək qiymətləndirərək çıxışlarında qeyd etdiyi kimi, hər bir xalqın milliliyini, mənəvi dəyərlərini yaşadan, inkişaf etdirən onun dilidir. Ancaq xalqın dilini yaşatmaq, inkişaf etdirmək və dünya mədəniyyəti səviyyəsinə qaldırmaqla yanaşı,dünyaya inteqrasiya etmək, mədəniyyətlərarası əlaqələr və fərqli dünyagörüşləri tuta bilmək, üçün bir və ya bir neçə xarici dili bilmək bacarığı zamanın tələbinə uyğun prioritet məsələlərdəndir.
Zamanın nəbzini tutmaq, müasir dövrlə ayaqlaşmaq üçün ingilis dilini öyrənmək zərurəti çox böyük əhəmiyyət kəsb edir. Məktəbin şagirdlərinin dil bacarıqlarının yoxlanılması məqsədilə məktəb rəhbərliyi 9 aprel 2024-cü il tarixdə IV siniflər arasında İngilis dili fənni üzrə müsabiqə keçirildi. Müsabiqədə 9 komanda iştirak edirdi.Verilmiş müddətdə tez, cəld və çevik cavab verən komandalar qalib oldular. İlk üç yerin qalibləri məktəb rəhbərliyi tərəfindən diplomla təltif olundular.
