“Ailəm və məktəbim” layihəsi çərçivəsində valideynlərlə görüş keçirilmişdir
Ailə-məktəb münasibətlərinin səmərəli təşkili böyüməkdə olan gənc nəslin motivasiya sahəsinin, əxlaqi şüurunun formalaşmasına, uşağın cəmiyyətdəki rolunu müəyyənləşdirməsinə və özünü dərk etməsinə, bilik və bacarıqlarını inkişaf etdirməsinə sistemli töhfə verir. Ailə-məktəb münasibətlərinin sağlam pedaqoji, psixoloji əsaslar üzərində, qarşılıqlı hörmət və əməkdaşlıq əsasında qurulması cəmiyyətin inkişafını şərtləndirən amillərdəndir. Cəmiyyətin təməlini təşkil edən və dəyərlərini yaşadan ailələr və ümumtəhsil məktəbləri arasında səmərəli əməkdaşlığı təşviq etmək məqsədilə Bakı şəhəri ümumi təhsil müəssisələrində “Ailəm və məktəbim” layihəsi həyata keçirilir.
“Ailəm və məktəbim” layihəsi çərçivəsində 27 aprel 2023-cüil tarixində valideynlərlə görüş keçirilmişdir.
