Birinci sinif şagirdlərinin məktəbə adaptasiyası prosesinə dəstək
Birinci sinif şagirdlərinin psixoloji səviyyəsi öyrənilib. 183 N-li tam orta məktəbin psixoloqları A.Məmmədova və M. Məmmədova azərbaycan və rus bölməsində təhsil alan birinci sinif şagirdlərinin məktəbə adaptasiyası prosesinə dəstək olmaq və onların psixoloji hazırlıq səviyyəsini öyrənmək məqsədi ilə psixodiaqnostik testlər keçirdilər. Belə ki, şagirdlərin intellektual və sensomotor qabiliyyətləri “Kern Yerasik” və “Qrafik imla” metodu ilə müəyyənləşdirildi. Testi keçirməkdə məqsəd təlimdə geri qalan şagirdləri müəyyənləşdirmək və onlarla psixokorreksiya işləri apararaq təlim nəticələrini yüksəltməkdən ibarət idi. Testlərin nəticələrinə görə şagirdlərə və sinif müəllimlərinə müəyyən tövsiyələr verildi.
