"Dəyərlərimiz bədii ədəbiyyatda" adlı foto sərgi
18 mart tarixində məktəbin kitabxanasında "Dəyərlərimiz bədii ədəbiyyatda" adlı foto sərgi keçirildi. Foto sərgidə dəyərlərimizə aid kitablar, məqalələr nümayiş etdirildi. Kitabxana müdiri Cəfərova Zərifə şagirdləri milli bayramımız olan Novruz bayramı haqqında ətraflı məlumatlandıraraq Novruz adət-ənənələrindən danışdı. Kitabxanaçı Cəbrayılova Solmaz milli dəyərlər haqqında danışaraq bildirdi ki, Azərbaycan xalqı hər zaman milli dəyərlərə sadiqliyini göstərib, bu dəyərləri əsrlərlə yaşadıb inkişaf etdirib. Çünki milli dəyərlərimizin Azərbaycan xalqının formalaşmasına təsiri böyük olduğu kimi, milli dövlətçiliyimizin möhkəmlənməsində də xüsusi rolu var.
