170 №-li tam orta məktəb

22 aprel tarixində VI B sinif Rəfiqə Hüseynova təbiət dərsində keçdikləri "Canlılar mühitə uyğunlaşa bilmədikdə nə baş verir" mövzusunu "22 Aprel-Yer Günü" ilə əlaqələndirərək yaşayış mühitinin dəyişməsinin səbəbləri, yaşayış mühitinə və canlılara hansı təsiri olar kimi suallara öz təqdimat və rəsmləri ilə cavab verdilər. İnsan fəaliyyəti nəticəsində və təbii fəlakətlər zamanı canlı və cansız təbiət arasında uzun müddət formalaşmış tarazlığın pozulması, iqlim dəyişikliyi, səhralaşma, torpaq eroziyası, məhsuldarlığın azalması, daşqınların çoxalması, atmosferdə istixana qazlarının artması və əhali üçün bir sıra problemlərin yaranması, bitki və heyvanların sayının azalması, canlıların yaşayış mühitlərini itirərək ölmə təhlükəsi ilə qarşılaşacaqları və s. bu kimi məsələlərə toxundular.

17 aprel tarixində İnformatika fənn aylığı çərçivəsindən 10 A sinfində Məmmədəliyeva Fənarənin İnformatika dərsi dinlənildi. "Hipermətnli nişanlama dili-HTML" və "Saytın tərtibanının özəllikləri" mövzuları ətrafında şagirdlər araşdırma edib, sayt tərtibatında vacib olan məqamlar, tərtibat zamanı istifadə olunan qrafika barədə məlumat mübadiləsi apardılar. Şagirdlər nişanlama dilində yazı nümunələri, yazı formalarını nümayiş etdirdilər.

18 aprel tarixində məktəbin 7-ci sinifləri arasında " Yaşıl dünya naminə həmrəylik ili" ilə əlaqədar " Təbiətin gücü böyükdür " adlı bilik yarışı keçirildi. Suallar kimya, biologiya, fizika və coğrafiya fənlərini əhatə edirdi. Yarışda Xarıbülbül, Şuşa, Zəngilan və Füzuli komandaları mübarizə aparırdılar.

1_ci yer ____ Füzuli komandası ( 90 bal )

2_ci yer ____Şuşa komandası (75 bal )

3_cü yer ____Zəngilan komandası ( 60 bal )

4_cü yer ____Xarıbülbül ( 35 bal )

Müəllimlər Daşdəmirova Əntiqə, Şükürova Səbirə, Sairbəyzadə Ruhəngiz, Qasımova Səadət tərəfindən qiymətləndirildilər. Yer tutan şagirdlər Diplomla təltif olundular.

           18 aprel tarixində məktəbin 5-ci sinifləri arasında " Yaşıl dünya naminə həmrəylik ili" ilə əlaqədar "Yaşıl enerji " adlı videoçarx və rəsm müsabiqəsi keçirildi. Yarış zamanı çəkilən rəsmlər və videoçarxlar münsiflər Daşdəmirova Əntiqə, Misirova Gülnarə, Abdullayeva Şəhla ,Qasımova Səadət tərəfindən qiymətləndirildi. Yarışda 14 şagird iştirak edirdi. İştirak edən şagirdlər diplomlarla təltif olundular.

18 aprel tarixində məktəbin 6 b sinfinin şagirdləri sinif rəhbəri Zahidə Əzizovanın təşkilatçılığı ilə tarixi memarlıq abidəsi olan Ramana qəsrinə ekskursiya etdilər. Ekskursiya ərzində şagirdlər Abşeron memarlıq üslubunda tikilən qalanı gəzdilər və xatirə şəkilləri çəkdirdilər.