17 №-li tam orta məktəb

   “Xocalı soyqırımının otuz ikinci ildönümünün keçirilməsi barədə Azərbaycan Respublikası Elm və Təhsil Nazirliyinin 20.02.2024-cü il tarixli 02 nömrəli əmri ilə təsdiqlənmiş Tədbirlər Planına uyğun olaraq,tədris olunan ilk dərslər ölkəmizin müstəqilliyi uğrunda mübarizədə canlarını qurban verən vətən övladlarının xatirəsini yad etmək,böyüməkdə olan nəslə XX əsrin ən dəhşətli faciəvi hadisələrindən olan Xocalı soyqırımı haqqında ətraflı məlumat vermək,məktəblilərdə düşmənə qarşı barışmazlıq hissi, Vətənə, doğma torpağa sədaqət və məhəbbət duyğularını gücləndirmək və onlara Xocalı soyqırımı haqqında həqiqətləri çatdırmaq məqsədilə 26 fevralda 17 nömrəli tam orta məktəbdə I-XI siniflərdə ,,Xocalı  soyqırımı: xalqa qarşı zorakılıq”mövzusunda ilk dərslər təşkil edildi.Dərslər Azərbaycanın müstəqilliyi uğrunda canlarını qurban vermiş şəhidlərin və Xocalı qurbanlarının əziz xatirəsinin bir dəqiqəlik sükutla yad edilməsi ilə başladı.Müəllimlər dərs zamanı Xocalının tarixi, coğrafi mövqeyi, faciədən əvvəl əhalinin sayı və tərkibi, iqtisadi göstəriciləri, təhsil, səhiyyə, mədəniyyət ocaqları, tarixi-mədəni abidələri, görkəmli şəxsiyyətlərindən söhbət açdılar.Eyni zamanda, faciə nəticəsində öldürülən, ağır yaralanan, itkin düşən, girov götürülən sakinlərin statistikasından,soyqırımı törədənlərin vəhşi və qeyri-insani xislətindən bəhs etdilər.Daha sonra şagirdlərin Xocalı faciəsi ilə bağlı fikirləri dinlənildi, müvafiq mövzu ətrafında müzakirələr aparıldı.Şagirdlər Vətənə, topağa aid şeirlər səsləndirdilər və hazırladıqları video təqdimatlar nümayiş olundu.