Əlavə yerdəyişmə üzrə müsahibə mərhələsi başa çatıb
Sentyabrın 2-də müəllimlərin əlavə yerdəyişməsi üzrə müsahibə mərhələsi keçirilib. Müsahibələr Bakı şəhəri 202 nömrəli tam orta məktəbdə təşkil edilib.
Müsahibə zamanı namizədlərin ixtisası üzrə bilik və bacarıqları, psixoloji durumu və ümumi dünyagörüşü yoxlanılıb. Həmçinin namizədlər ixtisasları üzrə əvvəlcədən elan olunmuş mövzulardan birini açıq dərs formatında müsahibə komissiyası üzvlərinə təqdim ediblər. Həmin mövzu proqram təminatı tərəfindən təsadüfi seçim əsasında müəyyən edilib.
