Birincilərin “Əlifba bayramı”
Məktəbimizdə 1 “J” sinifində Röya Qəniyevanın rəhbərliyi ilə “Əlifba bayramı” keçirildi. Tədbirdə məktəbin rəhbərliyi, müəllimlər, şagirdlər və valideynlər iştirak etdilər.
Tədbirin keçirilməsində əsas məqsəd şagirdlərə ana, vətən, torpaq məhəbbətini aşılamaq, onların qazandıqları bilik və bacarıqlara qiymət verməkdir. “Əlifba bayramı”nda böyük sevinclə məharətlərini nümayiş etdirən birincilər şeirlər söyləyib, mahnılar ifa etdilər, səhnəciklər göstərdilər. Tədbirdə çıxış edən məktəb rəhbərliyi və valideynlər birincilərə təbriklərini çatdırıb, qarşıdakı tədris ilində onlara uğurlar arzuladılar, Röya Qəniyevaya öz təşəkkürlərini bildirdilər.
“Əlifba bayramı” birincilərin rəqs və mahnı kompozisiyaları ilə başa çatdı.