153 №-li tam orta məktəb

    Məktəbdə rus bölməsi üzrə VIII D və VII D sinif şagirdləri rus dili və ədəbiyyat müəllimi Təranə Camalovanın rəhbərliyi ilə dahi Azərbaycan şairi Məhəmməd Füzulinin 530 illiyinə həsr olunmuş tədbir keçirdi. Məqsəd milli mənəvi dəyərləri təbliğ etmək, dahi şairin  həyat və yaradıcılığını öyrədərək gənc nəsli maarifləndirməkdir.

      Hər il aprelin 18-i dünyada Beynəlxalq Abidələr və Tarixi Yerlər Günü kimi qeyd olunur.  Bu məqsədlə məktəbdə təhsilalanlarla tədbir keçirildi, videoçarx nümayiş olundu, işğaldan azad olunmuş torpaqlarımızda olan abidələrin nümayişi təhsilalanları bir daha sevindirdi.  Bununla bağlı məktəbin kitabxana müdiri Sevda Məmmədova çıxış edərək tədbir iştirakçılarını təbrik etdi.

    Təhsilalanlar məktəb kitabxanasında dünya ədəbiyyatının görkəmli nümayəndəsi Nizami Gəncəvinin  və digər dahi azərbaycan şair və mütəfəkkirlərinin əsərlərində ətraf mühitin qorunması ilə bağlı fikir mübadiləsi etdilər.  Məktəbin kitabxana müdiri Sevda Məmmədova təhsilalanların maariflənməsində yaxından köməklik göstərdi.

    “Yaşıl dünya naminə həmrəylik ili” ilə əlaqədar  IV sinif şagirdləri Aidə Tarverdiyevanın rəhbərliyi ilə dibçək güllərinin əkilməsi, onların becərilməsi ilə bağlı  maraqlı məşğələ keçirdilər.  Aidə müəllimənin mövzu ilə bağlı apardığı mariflənfirici  fikirlər gənc təbiətçilər üçün maraqlı oldu.

    Texnologiya dərsində Səadət Məhərrəmovanın rəhbərliyi ilə məişət tullantılarından, meyvə toxumlarından, bitki qalıqlarından müxtəlif əl işləri hazırlandı. Hazırlanan incəsənət nümunələrinin sərgisi təşkil olundu.