Ümummilli liderimiz Heydər Əliyevi anım günü
Heydər Əliyev müasir Azərbaycan dövlətçiliyinin banisi, bütün sahələrdə milli inkişaf starategiyalarının müəllifidir. Azərbaycanın bütün sahələrdə güclənməsi, müstəqil dövlət kimi möhkəmlənməsi, siyasi və iqtisadi, hərbi qüdrətinin artması məhz bu tarixi şəxsiyyətin gərgin əməyinin və müəyyənləşdirdiyi siyasi kursun nəticəsidir. Eyni zamanda Heydər Əliyev cəsurluq, möhkəm iradə, nümunəvi davranış məktəbidir. Bu xüsusiyyətlər məktəblilərə aşılanmalıdır, onlarda vətənə, dövlətə, milli-mənəvi dəyərlərə hörmət və ehtiram hissi təbliğ olunmalıdır. Bu məqsədlə 12 dekabr tarixində Ümummilli liderimiz Heydər Əliyevin anım günü ilə bağlı liseyimizdə ardıcıl dəyirmi masalar keçirildi. Şagirdlər dahi şəxsiyyətin həyatı və fəaliyyəti ilə bağlı çıxışlar etdilər, müzakirələr aparıldı. Müəllimlər Heydər Əliyev haqqında məlumatları şagirdlərə çatdırdılar.
