Bayraq Günü ilə əlaqədar 8 b sinfində dəyirmi masa
Azərbaycan Respublikasının Bayrağı — Azərbaycan Respublikasının rəsmi simvollarından (himn və gerblə birlikdə) biri. Bayrağımız ilk dəfə 9 noyabr 1918-ci ildə Azərbaycan Xalq Cüm¬huriyyəti Nazirlər Şurası tərəfindən təsdiq edilmişdir. 17 noyabr 1990-cı il tarixində Ümummilli liderimiz Heydər Əliyevin təklifi, Naxçıvan Ali Məclisinin qərarı ilə üçrəngli bayrağımız Naxçıvan Muxtar Respublikasının dövlət bayrağı kimi qəbul olunmuşdur. 5 fevral 1991-ci ildə bayraq həmin ildə müstəqilliyini elan etmiş Azərbaycan Respublikasının Ali Soveti tərəfindən də təsdiq edilmişdir. Azərbaycan Respublikasının Prezidenti İlham Əliyevin sərəncamı ilə Azərbaycanda hər il 9 noyabr Dövlət Bayrağı Günü kimi qeyd olunur.Bayraq Günü ilə əlaqədar 08.11.2016-cı il tarixdə 147 №li Texniki-humanitar liseyin 8 b sinfində tarix müəllimi Güntəkin Məmmədova şagirdlərlə dəyirmi masa keçirmişdir. Dəyirmi masada Liseyin, təşkilatı işlər üzrə direktor müavini Gülnaz Kərimova, Əməkdar müəllim Həlimə Mehdiyeva da iştirak etmişdir.Tədbirdə bayrağımızın yaranma tarixindən, rənglərinin mənalarından, müstəqillik illərində ölkəmizdə dövlətçilik quruculuğundan danışıldı. Şagirdlərin mövzu barədə fikir və mülahizələri dinlənilmişdir.
